1ܘܚܙܹܠܝܼ ܟܲܕ ܦܬܸܚܠܹܐ ܦܹܪܵܐ ܠܚܕܵܐ ܡ̣ܢ ܫܲܒܼܲܥ ܡܵܘܗܪܹ̈ܐ؛ ܘܫܡܸܥܠܝܼ ܠܚܕܵܐ ܡܐܲܢܹܐ ܐܲܪܒܲܥ ܚܲܝܘ̈ܵܬܵܐ ܕܒܹܐܡܵܪܵܐ؛ ܐܲܝܟܼ ܒܩܵܠܵܐ ܕܪܲܥܡܵܐ؛ ܬܵܐ؛ ܘܚܙܝܼ. 2ܘܚܙܹܠܝܼ؛ ܘܗܵܐ؛ ܣܘܼܣܹܐ ܚܘܵܪܵܐ؛ ܘܗ̇ܘ ܕܝܼܗ݇ܘܵܐ ܪܟܝܼܒܼܵܐ ܥܲܠܘܼܗܝ ܐܝܼܬ ܗ݇ܘܵܐ ܠܹܗ ܩܸܫܬܵܐ؛ ܘܦܸܫܠܹܗ ܝܘܼܗ݇ܒܼܵܐ ܐܸܠܹܗ ܬܵܐܓ̰ܵܐ؛ ܘܦܠܸܛܠܹܗ ܟܲܕ ܒܸܓܼܠܵܒܵܐ ܘܕܓܼܵܠܸܒ. 3ܘܟܲܕ ܦܬܸܚܠܹܗ ܠܡܵܘܗܪ ܗ̇ܝ ܕܬܲܪ̈ܬܹܝ؛ ܫܡܸܥܠܝܼ ܠܚܲܝܘܬܵܐ ܕܬܲܪ̈ܬܹܝ ܕܒܹܐܡܵܪܵܐ؛ ܬܵܐ؛ ܚܙܝܼ. 4ܘܦܠܸܛܠܹܗ ܚܲܕَ ܣܘܼܣܹܐ ܐَܚܹܪَܢܵܐ ܣܡܘܼܩܵܐ؛ ܘܠܗ̇ܘ ܕܝܼܗ݇ܘܵܐ ܪܟܝܼܒܼܵܐ ܥܲܠܘܼܗܝ ܦܸܫܠܹܗ ܝܘܼܗ݇ܒܼܵܐ ܐܸܠܹܗ ܠܸܫܩܵܠܵܐ ܫܲܝܢܵܐ ܡ̣ܢ ܐܲܪܥܵܐ؛ ܕܵܐܟܼܝܼ ܕܚܲܕَ ܠܗ̇ܘ ܐَܚܹܪَܢܵܐ ܩܵܛܠܝܼ؛ ܘܦܸܫܠܹܗ ܝܘܼܗ݇ܒܼܵܐ ܐܸܠܹܗ ܣܲܝܦܵܐ ܓܘܼܪܵܐ. 5ܘܟܲܕ ܦܬܸܚܠܹܗ ܠܡܵܘܗܪ ܗ̇ܝ ܕܬܠܵܬ݇؛ ܫܡܸܥܠܝܼ ܠܚܲܝܘܬܵܐ ܕܬܠܵܬ݇ ܕܒܹܐܡܵܪܵܐ؛ ܬܵܐ؛ ܘܚܙܝܼ. ܘܚܙܹܠܝܼ؛ ܘܗܵܐ؛ ܣܘܼܣܹܐ ܟܘܼܡܵܐ؛ ܘܗ̇ܘ ܕܝܼܗ݇ܘܵܐ ܝܬܝܼܒܼܵܐ ܥܲܠܘܼܗܝ ܐܝܼܬ ܗ݇ܘܵܐ ܠܹܗ ܡܲܣܲܐܬܵܐ ܒܐܝܼܕܹܗ. 6ܘܫܡܸܥܠܝܼ ܩܵܠܵܐ ܒܒܹܝܦܲܠܓܵܐ ܕܐܲܪܒܲܥܢܬܵܝ ܚܲܝܘ̈ܵܬܵܐ ܕܒܹܐܡܵܪܵܐ؛ ܟܘܼܢܝܼܩܘܿܣ ܕܚܸܛܹ̈ܐ ܒܕܹܝܢܵܪܵܐ؛ ܘܬܠܵܬ݇ܐ ܟܘܼܢܝܼ̈ܩܘܿ ܕܣܲܥܪܹ̈ܐ ܒܕܹܝܢܵܪܵܐ؛ ܘܠܡܸܫܚܵܐ ܘܠܚܲܡܪܵܐ ܠܵܐ ܚܲܙܕܸܓܸܬ. 7ܘܟܲܕ ܦܬܸܚܠܹܗ ܠܡܵܘܗܪ ܗ̇ܝ ܕܐܲܪܒܲܥ؛ ܫܡܸܥܠܝܼ ܩܵܠܵܐ ܕܚܲܝܘܬܵܐ ܕܐܲܪܒܲܥ ܕܒܹܐܡܵܪܵܐ؛ ܬܵܐ؛ ܘܚܙܝܼ. 8ܘܚܙܹܠܝܼ؛ ܘܗܵܐ؛ ܣܘܼܣܹܐ ܝܘܿܪܝܼܩܵܐ؛ ܘܗ̇ܘ ܕܝܼܗ݇ܘܵܐ ܝܬܝܼܒܼܵܐ ܥܲܠܘܼܗܝ؛ ܫܸܡܹܗ ܡܵܘܬܵܐ ܗ݇ܘܵܐ؛ ܘܫܝܘܿܠ ܒܹܐܙܵܠܵܐ ܗ݇ܘܵܐ ܒܵܬ݇ܪܹܗ؛ ܘܦܸܫܠܹܗ ܝܘܼܗ݇ܒܼܵܐ ܐܸܠܵܝܗܝ ܗܘܼܟܡܵܐ ܥܲܠ ܚܲܕَ ܡ̣ܢ ܐܲܪܒܥܵܐ ܣܵܡܹ̈ܐ ܕܐܲܪܥܵܐ؛ ܠܸܩܛܵܠܵܐ ܒܣܲܝܦܵܐ؛ ܘܒܟܸܦܢܵܐ؛ ܘܒܡܵܘܬܵܐ؛ ܘܒܝܼܸܕ ܕܵܒܹ̈ܐ ܕܐܲܪܥܵܐ. 9ܘܟܲܕ ܦܬܸܚܠܹܗ ܠܡܵܘܗܪ ܗ̇ܝ ܕܚܲܡܸܫ؛ ܚܙܹܠܝܼ ܠܸܐܠܬܸܚ ܡ̣ܢ ܡܲܕܒܚܵܐ ܠܓܵܢܵܬܹ̈ܐ ܕܐܵܢܝܼ ܕܝܼܢܵܐ ܩܛܝܼܠܹܐ ܣܵܒܵܒ ܕܗܹܡܸܙܡܵܢ ܕܐܲܠܵܗܵܐ؛ ܘܣܵܒܵܒ ܕܣܵܗܕܘܼܬܵܐ؛ ܗ̇ܝ ܕܐܝܼܬ ܗ݇ܘܵܐ ܠܗ݇ܘܿܢ. 10ܘܡܲܩܘܸܚܝܼ ܗ݇ܘܵܘ ܒܩܵܠܵܐ ܓܘܼܪܵܐ؛ ܟܲܕ ܐܵܡܪܝܼ؛ ܗܲܠ ܐܝܼܡܲܢ؛ ܝܵܐ ܡܵܪܝܵܐ؛ ܩܲܕܝܼܫܵܐ ܘܫܲܪܝܼܪܵܐ؛ ܠܹܐ ܕܵܝܢܸܬ ܘܫܵܩܠܸܬ ܬܘܼܥܠܵܐ ܕܕܸܡܵܐ ܕܝܼܲܢ ܡ̣ܢ ܕܐܵܢܝܼ ܕܒܸܥܡܵܪܵܐ ܝܢܵܐ ܥܲܠ ܐܲܪܥܵܐ؛ 11ܘܦܸܫܠܵܗ̇ ܝܸܗܒܼܸܠܬܵܐ ܠܟܠ ܚܲܕَ ܚܲܕَ ܡܸܢܵܝܗܝ ܐܸܣܛܠܵܐ ܚܘܵܪܬܵܐ؛ ܘܦܸܫܠܹܗ ܐَܡܝܼܪܵܐ ܐܸܠܵܝܗܝ ܕܡܲܢܝܸܚܝܼ ܡܸܢَܕܪܸܫَ ܚܲܕَܟ̰ܵܐ ܙܲܒܼܢܵܐ؛ ܗܲܠ ܕܬܲܡܸܡܝܼ ܗ݇ܘܵܘ ܐܘܼܦ ܚܲܒܼܪ̈ܵܘܵܬܵܝܗܝ ܒܚܸܠܡܲܬ ܘܐܵܚܘܿܢܘܵܬܵܝ̈؛ ܐܲܢܹܐ ܕܝܼܢܵܐ ܗܕܝܼܪܹܐ ܠܸܦܝܵܫܵܐ ܩܛܝܼܠܹܐ ܐܲܝܟܼ ܕܐܘܼܦ ܐܵܢܝܼ. 12ܘܚܙܹܠܝܼ ܟܲܕ ܦܬܸܚܠܹܗ ܠܡܵܘܗܪ ܗ̇ܝ ܕܐܸܫܸܬ؛ ܘܪܵܘܕܵܢܵܐ ܓܘܼܪܵܐ ܗ݇ܘܹܐܠܹܗ؛ ܘܫܸܡܫܵܐ ܗ݇ܘܹܐܠܹܗ ܟܘܼܡܵܐ ܐܲܝܟܼ ܣܲܩܵܐ ܕܣܲܥܪܵܐ؛ ܘܟܠܹܗ ܣܲܗܪܵܐ ܗ݇ܘܹܐܠܹܗ ܐܲܝܟܼ ܕܸܡܵܐ. 13ܘܟܵܘܟܼܒܼܹ̈ܐ ܕܫܡܲܝܵܐ ܢܦܸܠܘܿܢ ܒܐܲܪܥܵܐ ܐܲܝܟܼ ܐܝܼܠܵܢܵܐ ܕܬܹܐܢܵܐ ܕܪܲܦܹܐ ܛܥܘܼܢܝܵܬܘܼ̈ܗܝ ܟܵܐܠ؛ ܟܲܕ ܡ̣ܢ ܦܵܘܚܵܐ ܓܘܼܪܵܐ ܦܵܝܸܫ ܡܘܼܫܥܸܫܵܐ. 14ܘܫܡܲܝܵܐ ܦܸܫܠܗَܘܿܢ ܦܪܝܼܫܹܐ؛ ܐܲܝܟܼ ܟܸܪܟܼܵܐ ܕܦܵܝܸܫ ܟܘܼܪܡܸܟܼܵܐ؛ ܘܟܠܵܝܗܝ ܛܘܼܪ̈ܵܢܹܐ ܘܓܵܙܪ̈ܵܬܵܐ ܡ̣ܢ ܕܘܼܟܵܢܵܝ̈ܗܝ ܦܸܫܠܗَܘܿܢ ܡܘܼܓ̰ܘܸܓ̰ܹܐ. 15ܘܡܲܠܟܹ̈ܐ ܕܐܲܪܥܵܐ؛ ܘܓܘܼܪ̈ܵܢܹܐ؛ ܘܪܹ̈ܫܵܢܹܐ ܕܐܲܠܦܹ̈ܐ؛ ܘܕܵܘܠܲܬܡܲܢܕܹ̈ܐ؛ ܘܚܲܝܠܵܢܹ̈ܐ؛ ܘܟܠ ܪܹܓܵܐ ܘܟܠ ܐܵܙܵܕ؛ ܛܘܼܫܝܵܠܘܿܢ ܓܵܢܵܝܗܝ ܒܓܸܦܝܼܵܬܹ̈ܐ ܘܒܐܝܼܨܵܪܹ̈ܐ ܕܛܘܼܪܹ̈ܐ؛ 16ܘܐܵܡܪܝܼ ܠܛܘܼܪܹ̈ܐ ܘܠܐܝܼܨܵܪܹ̈ܐ؛ ܢܦܘܿܠܘܿܢ ܥܲܠܲܢ؛ ܘܛܵܫܹܡܘܿܢ ܠܲܢ ܡ̣ܢ ܦܵܬܹܗ ܕܗ̇ܘ ܕܝܼܠܹܗ ܝܬܝܼܒܼܵܐ ܥܲܠ ܬܪܘܿܢܘܿܣ؛ ܘܡ̣ܢ ܟܲܪܒܹܗ ܕܦܹܪܵܐ. 17ܣܵܒܵܒ ܕܐَܬܹܐܠܹܗ ܗ̇ܘ ܝܘܼܡܵܐ ܓܘܼܪܵܐ ܕܟܲܪܒܵܝ؛ ܘܡܵܢܝܼ ܡܵܨܹܐ ܠܸܟܠܵܝܵܐ؛